राहदानी विधेयकले सेवा सहज बनाउँछ : परराष्ट्रमन्त्री खनाल

परराष्ट्रमन्त्री शिशिर खनालले राहदानीलाई केवल विदेश यात्राका लागि आवश्यक कागजातका रूपमा मात्र नभई नागरिक र सार्वभौम राज्यबीचको सामाजिक सम्झौताको प्रतीकका रूपमा बुझ्नुपर्ने बताएका छन्।

मंगलबार प्रतिनिधिसभा बैठकमा ‘राहदानी (पहिलो संशोधन) विधेयक, २०८३’ माथिको छलफलमा उठेका प्रश्नको जवाफ दिँदै मन्त्री खनालले विद्यमान ऐनका कतिपय प्रावधान अपूर्ण रहेकाले नागरिकको सुरक्षा, प्रतिष्ठा र सेवा सहजतालाई ध्यानमा राखेर संशोधन प्रस्ताव गरिएको बताए।