मौलापुर नगर प्रमुखद्वारा ढल निर्माणको निरीक्षण

रौतहट । रौतहटको मौलापुर नगरपालिका ढल निर्माणमा मोडेल बन्दै गइरहेको छ । मधेस प्रदेशको यस पालिकामा शिक्षा, स्वास्थ्य, यातायात लगायतका क्षेत्र मात्रै नभई ढल निर्माणमा समेत नमुना कार्यले चर्चा पाएको छ ।

शून्य करको नीति लिएको मौलापुर नगरपालिकामा फ्री पानी, फ्री बिजुली, छोरीको बिहेमा नगरपालिकाको सहयोगका साथै शिक्षा, स्वास्थ्य, यातायात, दलित बस्ती निर्माण लगायतका क्षेत्रमा नमुना काम निरन्तर जारी रहेकाले देशैभरका विभिन्न पालिकाले अध्ययन भ्रमण गर्दै आएका छन् ।