इजरायलमा रहेका नेपाली भन्छन् – ‘नेपाल आएर  के गर्ने ? बरू हाम्रो भिसा अवधि थपियोस्’

काठमाडौंमा जन्मे हुर्केकी बुनु खड्का चार वर्षदेखि इजरायलको रिशोन लेजियोनमा रहेको अहुजत रिशोनिममा केयरगिभरको रूपमा काम गर्छिन् ।

जीवनको उतरार्ध कटाईरहेका वृद्धवृद्धाहरूको रेखदेख गर्नु उनको दैनिक काम हो । उनीहरूलाई स्याहार गर्नु, औषधि उपचारमा सहायता गर्नु, खाना खुवाउनु जस्ता अत्यावश्यक दैनिक कार्यहरू उनको जिम्मेवारी हो । शुरूमा उनलाई खासै काम आउँदैनथ्यो ।