विदेशमा जन्मिएका नेपाली सन्तानलाई आमाको स्वघोषणाका आधारमा राहदानी दिने बाटो खुला

काठमाडौं । विदेशमा नेपाली महिलाबाट जन्मिएका सन्तानलाई पहिचानविहीन हुन नदिन सरकारले राहदानीसम्बन्धी कानुनी व्यवस्था थप सहज बनाउने भएको छ। राहदानी ऐन संशोधन विधेयक प्रतिनिधिसभाबाट मंगलबार पारित भएसँगै आमाको स्वघोषणा र विदेशस्थित नेपाली नियोगमा गरिएको दर्ता नम्बरका आधारमा राहदानी जारी गर्ने बाटो खुलेको हो।

विदेशमा बलात्कार, सम्बन्धविच्छेद वा अन्य परिस्थितिका कारण नेपाली महिलाबाट जन्मिएका कतिपय बालबालिकाले हालसम्म राहदानी प्राप्त गर्न कानुनी जटिलता झेल्दै आएका थिए। नेपाली नागरिकका सन्तानलाई राज्यको पहिचानबाट वञ्चित गर्न नहुने भन्दै संशोधनमार्फत यस्तो समस्या सम्बोधन गर्न खोजिएको सरकारले जनाएको छ।