केवाइसी अपडेटको बहानामा बैंक खाताबाट रकम ठगी गर्ने गिरोह पक्राउ

काठमाडौं– बैंकबाट फोन गरेको भन्दै ‘केवाइसी Update’ गर्न लगाएर ठगी गर्ने गिरोहलाई नेपाल प्रहरीले पक्राउ गरेको छ।

नेपाल प्रहरीको साइबर ब्यूरोका अनुसार बहालवाला तथा सेवानिवृत्त कर्मचारीलाई लक्षित गरी फोन तथा ह्वाट्सएपमार्फत सम्पर्क गर्ने, स्क्रिन शेयर गर्न लगाई OTP Code प्राप्त गर्ने वा OTP Code माग्ने र त्यसपछि पीडितको बैंक खातामा रहेको रकम अन्य खातामा स्थानान्तरण गरी ठगी गर्ने कार्यमा संलग्न व्यक्तिहरू पक्राउ परेका हुन्।