हङकङ चुम्लुङमा पन्धाक र इङ्नाम अध्यक्षमा चयन

२ भदौ, सुनसरी । हङकङको याउ मा ताई कम्यूनिकेशन सेन्टरमा सम्पन्न किरात याक्थुङ चुम्लुङ हङकङको १४औं अधिवेशनले मंगलबार दुइ अध्यक्ष चयन गरेको छ । लिम्बू समुदायको साझा जातीय सांस्कृतिक संस्था चुम्लुङले कार्यकारी अध्यक्षमा लक्ष्मी पन्धाक र दोस्रो वरीयताको अध्यक्षामा श्याम इङ्नामलाई निर्विरोध चयन गरेको हो।

निवर्तमान अध्यक्ष शमशेर तुम्बाहाङफेका अनुसार याउ मा ताई स्थित चुम्लुङ हिममा घोषित नयाँ कार्यसमितिको वरिष्ठ उपाध्यक्षमा खगेन्द्र लाओती, बाँकी दुई उपाध्यक्षमा रुबि मादेन र मनिता साँबा, महासचिवमा मौसम इम्बुङ, सचिवमा रामकुमारी हाङ्स्रोङ, कोषाध्यक्षमा रबिन कुमार नाल्बो र सहकोषाध्यक्षमा भक्तराज वनेम चयन गरिएको छ।