जनकवि दुर्गालाल श्रेष्ठको शोभा भगवतीमा अन्त्येष्टि

नेपाल भाषाका जनकवि एवम् प्रतिष्ठित साहित्यकार दुर्गालाल श्रेष्ठको मंगलबार काठमाडौंको शोभा भगवती घाटमा अन्तिम संस्कार गरिएको छ। ९३ वर्षको उमेरमा बुढानीलकण्ठस्थित आफ्नै निवासमा निधन भएका श्रेष्ठको परम्परागत विधिअनुसार अन्त्येष्टि गरिएको हो।

दिवंगत श्रेष्ठको अन्तिम बिदाइका क्रममा निकालिएको शवयात्रामा राजनीतिक दलका शीर्ष नेता, मन्त्री, साहित्यकार, कलाकर्मी तथा सर्वसाधारणको उल्लेख्य उपस्थिति रहेको थियो।