नेपालको पहिलो ओटीटी एप नेटटिभीले पायो आधिकारिक लाइसेन्स

काठमाडौँ । नेपालको डिजिटल मनोरञ्जन क्षेत्रमा क्रान्ति ल्याउने उद्देश्य बोकेको नेट टिभी प्रालिले नेपाल सरकार, सञ्चार तथा सूचना प्रविधि मन्त्रालय अन्तर्गतको सूचना तथा प्रसारण विभागबाट आधिकारिक रूपमा ओटीटी (ओभर त टप) प्रसारण सेवा सञ्चालनको इजाजतपत्र प्राप्त गरेको छ ।

नेटटिभीका सीईओ निरन राजभण्डारीले यो ऐतिहासिक र गौरवपूर्ण उपलब्धि सार्वजनिक गर्न पाउँदा अत्यन्तै गौरव महसुस भएको बताएका छन् । कम्पनीले सन् २०१७ मै ओटीटी एप सार्वजनिक गरेको थियो । नेटटिभी नेपालकै पहिलो आईपीटिभी सेवा प्रदायकसमेत हो ।