गण्डकी खेलकुदमा सेटिङ भएको छानबिनको निष्कर्ष: ‘आफैं निर्णायक, आफैंलाई पदक’

गण्डकी प्रदेशस्तरीय खेलकुद पदक वितरण प्रक्रियामा गम्भीर त्रुटि र चरम लापरबाही भएको ठहर गर्दै छानबिन समितिले आफ्नो प्रतिवेदन बुझाएको छ।

गण्डकी प्रदेश खेलकुद परिषद् (गखेप) द्वारा गरिएको पदक वितरण विवादमा परेपछि प्रदेश सरकारको सामाजिक विकास, युवा तथा खेलकुद मन्त्रालयका सचिव शेषनारायण पौडेलको संयोजकत्वमा गठित छानबिन समितिले सोमबार अपराह्न विभागीय मन्त्रीलाई उक्त प्रतिवेदन हस्तान्तरण गरेको हो।