श्रीमानको खोजीमा अस्पताल चहारिरहेकी सात महिने शिशुकी आमा

काठमाडौँ । रसुवाको टिमुरे क्षेत्रमा गएको भदौ १० गते आएको विनाशकारी बाढीपछि धेरै परिवारका लागि समय रोकिएजस्तो भएको छ । आफन्त सम्पर्कविहीन छन्, तर उनीहरू जीवित छन् कि छैनन् भन्ने यकिन जानकारी परिवारले पाउन सकेका छैनन् ।

यस्तै अनिश्चितता बोकेर सिन्धुपाल्चोकको बलेफी–४ की लक्ष्मी राई काठमाडौँका अस्पताल चहारिरहेकी छन् । उनी आफ्नो श्रीमान् आङ थोङ तामाङ खोज्दै अस्पताल पुगेकी हुन् । आङ थोङ सीमावर्ती क्षेत्रमा सामान ओसारपसार गर्ने ‘सिनो’ कन्टेनर ट्रक चलाउँथे । बाढी आएको दिन उनी पनि घटनास्थल आसपासमै थिए । त्यसयता उनको अवस्था अज्ञात छ ।