मन्त्री लम्सालमाथि क्रान्तिशिखाको प्रहार : बाढीले आफैं बगरमा परिणत स्थानीय तहले कसरी समन्वय गर्छन् ?

काठमाडौं- रसुवामा गत बुधबार आएको विनाशकारी बाढीपछि स्थानीय तह र प्रदेश सरकारका संयन्त्र स्वतः सक्रिय नभएको भन्दै भौतिक पूर्वाधारमन्त्री सुनिल लम्सालले गरेको टिप्पणीप्रति राष्ट्रिय स्वतन्त्र पार्टीकी प्रमुख सचेतक क्रान्तिशिखा धितालले कडा प्रतिवाद गरेकी छन्।

बाढीबाट प्रभावित स्थानीय तहलाई काठमाडौंमा बसेर ‘सक्रिय भएन’ र ‘समन्वय गरेन’ भन्दै आरोप लगाउनु अनुचित भएको धितालको भनाइ छ।