गृहमन्त्रीलाई ज्ञानेन्द्र शाहीले भने- अन्तर्राष्ट्रिय जगतमा बेइज्जत भयो, शवबाट सुन निकाल्नेलाई कारबाही होस्

काठमाडौं । राप्रपाका संसदीय दलका नेता ज्ञानेन्द्र शाहीले भोटेकाशी बाढीले बगाएर ल्याएको शवबाट सुन झिक्नेहरूमाथि कारबाही गर्न गृहमन्त्रीको ध्यानाकर्षण गराएका छन्। सर्वदलीय बैठकमा गृहमन्त्रीलाई शाहीले त्यता गतिविधिले अन्तर्राष्ट्रिय जगतमा नेपालको बेइज्जत भएको बताए।

उनले भने, ‘यहाँ यत्रो विपद् भइराखेको छ। केही नेपाली दाजुभाइ-दिदीबहिनीहरूको जुन व्यवहार अहिले देखिएको छ, व्यक्तिगत फाइदाका लागि लासलाई सम्म नछोड्ने, गृहमन्त्रीलाई मैले अपिल गरेको छु भिडिओमा जोजो देखिएका छन् कारबाही गर्नुस्। हामी नेपालीको इमेज अन्तर्राष्ट्रिय जगतमा बेइज्जत गर्नुपर्ने कारण छैन।’