बारामा ११ वर्षीय बालकको अपहरणपछि हत्या, १७ वर्षीय किशोर पक्राउ

बारा । बाराको विश्रामपुर गाउँपालिका वडा नम्बर ३ मुसहरवा बस्ने ११ वर्षीय राजेश कुमार साहको अपहरणपछि हत्या भएको घटनामा संलग्न रहेको आरोपमा एक किशोरलाई प्रहरीले पक्राउ गरेको छ।

गत भदौ ९ गते बिहान साह हराएको भनी प्रहरी चौकी मुसहरवामा ९:५० बजे खबर प्राप्त भएको थियो। खबर पाएलगत्तै प्रहरीले खोजतलास सुरु गरेको थियो। खोजतलासका क्रममा भदौ ११ गते बिहान १०:३० बजे भारतको बिहार राज्यस्थित मोतिहारी जिल्लाको दुनियाडि पञ्चायत वडा नम्बर १ स्थित सिंहा नदी किनारमा साह मृत अवस्थामा फेला परेका थिए।