बाढीले पाइपलाइनमा ढुङ्गा-बालुवा थुपारेपछि धोबीघाट ढल प्रशोधन केन्द्रको काम ठप्प

बागमती र विष्णुमती नदीमा आएको बाढीका कारण काठमाडौंस्थित धोबीघाट ढल प्रशोधन केन्द्रको सञ्चालन कार्य पुनः रोकिएको छ।

सोमबार राति आएको बाढीले प्रशोधन केन्द्रको मुख्य पाइपलाइनमा ठूलो परिमाणमा ढुङ्गा, बालुवा र लेदो थुपारेपछि परीक्षणका क्रममा रहेको ढल प्रशोधन कार्य प्रभावित भएको हो।