आशा गरेअनुसार सरकारले काम गर्न सकेन : निजी क्षेत्र

नेपाल उद्योग वाणिज्य महासंघका वरिष्ठ उपाध्यक्ष सुरकृष्ण वैद्यले सरकारले आशा गरेअनुसार काम गर्न नसकेको गुनासो गरेका छन्। मंगलबार विराटनगरमा मोरङ उद्योग व्यापार संघको ६९औँ वार्षिक साधारणसभालाई सम्बोधन गर्दै वरिष्ठ उपाध्यक्ष वैद्यले यस्तो गुनासो गरेका हुन्।

उनले सरकारले नीतिगत सुधार गरी औद्योगिक तथा व्यावसायिक वातावरण निर्माण गर्दै अर्थतन्त्रलाई चलायमान बनाउनुपर्नेमा त्यसो गर्न नसकेको बताए। सरकारले ल्याउने एउटा राम्रो नीतिले विश्वका धेरै देशहरू परिवर्तन भएको उदाहरण दिँदै उनले नेपालमा व्यवसायमैत्री नीति ल्याउन सरकार असफल भएको बताए।