इनिसा विक हत्या प्रकरण : तीन बालकलाई थुनामुक्त गर्न सर्वोच्चको आदेश

सुर्खेत- सुर्खेतकी १६ वर्षीया इनिसा विकको बलात्कारपछि हत्या भएको भनिएको प्रकरणमा थुनामा रहेका तीन बालकलाई सर्वोच्च अदालतले थुनामुक्त गर्न आदेश दिएको छ।

मंगलबार सर्वोच्च अदालतका न्यायाधीशद्वय शारङ्गा सुवेदी र नृपध्वज निरौलाको संयुक्त इजलासले सुर्खेत जिल्ला अदालत र उच्च अदालत सुर्खेतका यसअघिका थुनछेक आदेश बदर गर्दै तीन बालकलाई अभिभावकको जिम्मा लगाएर मुद्दाको कारबाही अघि बढाउन आदेश दिएको हो।