अमेरिकी डलरको भाउ थप उकालो लाग्यो, कुन मुद्राहरूको मूल्य घटबढ भयो ?

काठमाडौँ। नेपाल राष्ट्र बैंकले आजका लागि निर्धारण गरेको विदेशी मुद्राको विनिमय दरअनुसार नेपाली बजारमा प्रमुख मुद्राहरूको मूल्यमा उतारचढाव देखिएको छ। केन्द्रीय बैंकले सार्वजनिक गरेको तथ्याङ्कअनुसार आज अमेरिकी डलरको भाउमा वृद्धि भएको छ भने युरो र पाउण्डलगायतका केही मुद्राहरूको मूल्यमा सामान्य गिरावट आएको छ।

आजका लागि अमेरिकी डलरको खरिददर १५२ रुपैयाँ ८० पैसा र बिक्रीदर १५३ रुपैयाँ ४० पैसा कायम गरिएको छ। हिजो डलरको खरिददर १५२ रुपैयाँ ६७ पैसा र बिक्रीदर १५२ रुपैयाँ २७ पैसा थियो। यसरी डलरको मूल्य उकालो लाग्दा यसले आयातमुखी नेपाली अर्थतन्त्रमा पार्ने प्रभावबारे चासो बढेको छ।