मेटा इन्फ्लुएन्सर मार्फत ‘टीन अकाउन्ट’को प्रचार गरेको आरोप

काठमाडौं । मेटा (फेसबुकको माउ कम्पनी) ले विश्वभर किशोरकिशोरीहरूलाई सामाजिक सञ्जालबाट रोक लगाउने कानुनको विरोध गर्न र आफ्नो ‘टीन अकाउन्ट’ लाई सुरक्षित देखाउन इन्फ्लुएन्सरहरूलाई पैसा तिरेर प्रचार गरेको एक नयाँ रिपोर्टले खुलासा गरेको छ ।

डिजिटल अधिकार समूह ‘टेक ट्रान्सपरेन्सी प्रोजेक्ट’ (टीटीए) को रिपोर्ट अनुसार, जब–जब कुनै देशमा १६–१८ वर्षमुनिका किशोरहरूलाई सामाजिक सञ्जाल प्रयोगमा रोक लगाउने कानुनको चर्चा चल्छ, मेटाले त्यसको विरोधमा वा वैकल्पिक उपायको प्रचार गर्न प्यारेन्टिङ, लाइफस्टाइल र मानसिक स्वास्थ्य क्षेत्रका क्रिएटरहरूलाई अगाडि सार्छ ।