दक्षिण अफ्रिकामाथि भारतको कीर्तिमानी जित, दोस्रो चरण नजिक

भारतले महिला टिमले हक्की विश्वकपमा दक्षिण अफ्रिकामाथि ६–१ को शानदार जित निकाल्दै पूल डीको शीर्ष स्थानमा पुगेको छ।

मंगलबार नेदरल्यान्ड्सको एम्स्टेलभिनस्थित वागेनर स्टेडियममा भएको खेलमा भारतले सुरुवातदेखि नै दबाब बनाएको थियो। पहिलो क्वार्टरमा सुनेलिता टोप्पोले गोल गर्दै भारतलाई अग्रता दिलाइन्। दोस्रो क्वार्टरमा नवनीत कौरले पेनाल्टी कर्नरबाट गोल थपिन्। त्यसपछि सुशिला चानुले गोल गरेपछि भारत पहिलो हाफमै ३–० ले अघि रह्यो।