आज विश्वासको मत लिँदै सुदुरपश्चिमका मुख्यमन्त्री भट्ट

धनगढी । सुदूरपश्चिम प्रदेशका मुख्यमन्त्री खगराज भट्टले आज प्रदेशसभाबाट विश्वासको मत लिँदैछन्। प्रदेशसभा सचिवालयका अनुसार दिउँसो १ बजे बस्ने प्रदेशसभा बैठकमा मुख्यमन्त्री भट्टले विश्वासको मतसम्बन्धी प्रस्ताव पेस गर्ने कार्यसूची रहेको छ।

गत २९ साउनमा नेकपा एमालेको समर्थनमा मुख्यमन्त्री नियुक्त भएका भट्टले सोही दिन एमालेबाट तीन मन्त्री र एक राज्यमन्त्री नियुक्त गरेका थिए। विश्वासको मत लिएपछि सरकारलाई पूर्णता दिने तयारीमा रहेका भट्टले मंगलबार नेकपा संसदीय दलको बैठक बोलाएर विश्वासको मत लिने निर्णय गरेका थिए।