२४ घण्टामा सवारी दुर्घटनामा पाँच जनाको मृत्यु, १२५ जना घाइते

देशका विभिन्न स्थानमा भएका सवारी दुर्घटनामा परी पछिल्लो २४ घण्टामा पाँच जनाको मृत्यु भएको छ भने १२५ जना घाइते भएका छन्। दुर्घटनामा परी कोशी प्रदेशमा एक, मधेशमा एक, बागमतीमा एक, गण्डकीमा एक र लुम्बिनी प्रदेशमा एक जनाको मृत्यु भएको हो।

मोरङको कानेपोखरी गाउँपालिका ७ आइतबारे चोकस्थित सडकखण्डमा प्रदेश १–०२–०४६ प ९१६० नम्बरको मोटरसाइकलले पैदलयात्री ७० वर्षीया तामाङलाई ठक्कर दिँदा उनी घाइते भएकी थिइन्। उपचारका क्रममा उनको मृत्यु भएको प्रहरीले जनाएको छ।