गौरवका सिँचाइ योजना पाँच वर्षभित्रै निर्माण

सरकारले लगभग चार दशकअघि नै सुरु भएका राष्ट्रिय गौरवका पाँच आयोजना दुईदेखि पाँच वर्षभित्र सम्पन्न गर्ने लक्ष्य लिएको छ। तीमध्ये बबई सिँचाइ र भेरी–बबई सिँचाइ आयोजनाको काम आगामी दुई वर्षभित्र सक्ने लक्ष्य लिइएको छ। यसैगरी सुनकोसी–मरिन, सिक्टा सिँचाइ र रानी जमरा–कुलरिया सिँचाइ आयोजनाको काम आगामी पाँच वर्षभित्र सम्पन्न गर्ने लक्ष्य राखिएको छ।

विविध कारणले यसअघि लामो समय अलपत्र परेका यी गौरवका आयोजनाको सुस्त निर्माण गतिलाई अहिले विशेष महत्त्वका रूपमा हेरिएको छ। सरकारले आगामी दुईदेखि पाँच वर्षभित्र सम्पन्न गर्ने लक्ष्य नै लिएर यी पाँच आयोजनाको निर्माण रफ्तारमा काम अघि बढाएको बताइएको छ।