संस्थापनले महाधिवेशनको परिमार्जित तालिका सार्वजनिक गरेपछि रोक्न रिट दायर गर्ने तयारीमा इतर समूह

काठमाडौँ । नेपाली कांग्रेसको संस्थापन इतर समूह १५औँ महाधिवेशनको प्रक्रिया तत्काल रोक्न माग गर्दै सर्वोच्च अदालत जाने भएको छ। पार्टीको आधिकारिकता सम्बन्धी विवाद सर्वोच्चमा विचाराधीन रहेकै अवस्थामा संस्थापन पक्षले एकतर्फी रूपमा महाधिवेशनको कार्यतालिका परिमार्जन गरी सार्वजनिक गरेपछि इतर समूहले कानुनी उपचार खोज्ने निर्णय गरेको हो।

संस्थापन इतर समूहका नेता डा.प्रकाशशरण महतले अदालतले मुद्दालाई सुरुदेखि नै हेर्ने भनेर अनुमति दिइसकेको अवस्थामा अधिवेशन प्रक्रिया अगाडि बढाउनु गलत भएको बताए । उनले यस कदमले संस्थापन पक्ष पार्टीलाई एक ढिक्का बनाएर लैजान चाहँदैन भन्ने पुष्टि गरेको दाबी गरे।