बागमती सरकार गठनका लागि एमालेका थापामगरले गरे दाबी पेस

हेटौँडा । बागमती सरकार गठनका लागि एमालेका किरण थापामगरले दाबी पेस गरेका गरेका छन् । नेपालको संविधान धारा १६८ को २ बमोजिमको सरकार गठनका लागि ६३ सांसदको समर्थनमा थापाले दाबी पेस गरेका हुन् ।

एमालेको तर्फबाट मुख्यमन्त्रीको उम्मेदवार बनेका थापाले एमालेका २५, नेकपाका २६ र राप्रपाका १२ सहित ६३ सांसदको समर्थनमा सरकार गठनका लागि दाबी पेस गरेका हुन् । थापाले प्रदेश प्रमुख दीपकप्रसाद देवकोटा समक्ष दाबी पेस गरेका हुन् ।