सेयर बजारमा सामान्य गिरावट, कारोबार रकम ३ अर्ब २९ करोडमा सीमित

काठमाडौं। साताको कारोबारको चौथो दिन बुधबार सेयर बजारमा सामान्य गिरावट देखिएको छ। नेप्से परिसूचक ०.२६ अंकले घटेर २ हजार ६२२ अंकमा झरेको छ। अघिल्लो कारोबार दिन बजार १९.३४ अंकले घटेको थियो।

बजार परिसूचकमा खासै परिवर्तन नआए पनि कारोबार रकम भने उल्लेख्य घटेको छ। मंगलबार ५ अर्ब ७ करोड रुपैयाँ बराबरको सेयर कारोबार भएकोमा बुधबार कारोबार रकम ३ अर्ब २९ करोड रुपैयाँमा सीमित भएको छ। अघिल्लो दिनको तुलनामा कारोबार रकम १ अर्ब ७८ करोड रुपैयाँ कम हो।