बारामा तीन वर्षीया बालिकाको बलात्कारपछि हत्या, दोषीलाई कडा कारबाही गर्न सांसदहरूको माग

काठमाडौँ- सांसदहरुले बारा जिल्लाको सिमरामा ३ वर्षीया बालिकामाथि भएको जघन्य अपराधको घटनाका दोषीलाई कडाभन्दा कडा कारबाही गर्न माग गरेका छन्।

बुधबार बसेको प्रतिनिधिसभा बैठकमा उनीहरुले उक्त घटनामा प्रहरी प्रशासनको समेत कमजोरी देखिएको भन्दै घटनाको छानविन गरी दोषीलाई कडाभन्दा कडा कारबाही गर्न माग गरेका हुन्।