‘ककाकिकी’को शीर्ष गीत सार्वजनिक, अर्जुन सापकोटा र मेलिना राईको स्वर

काठमाडौं । आगामी भदौ १९ गतेदेखि प्रदर्शनमा आउने तयारीमा रहेको चलचित्र ‘ककाकिकी’को शीर्ष गीत सार्वजनिक गरिएको छ। निर्माण पक्षले बुधबार ओएसआर डिजिटलको युट्युब च्यानलमार्फत गीत सार्वजनिक गरेको हो।

अर्जुन सापकोटा र मेलिना राईको स्वर रहेको गीतमा अर्जुन सापकोटाकै संगीत तथा हुकलाइन छ भने शब्द सन्तोष सापकोटाले लेखेका हुन्। सार्वजनिक गीतले गाउँघरको उत्सव, रमाइलो र सामूहिक खुसीलाई केन्द्रमा राख्दै चलचित्रको ग्रामीण परिवेशलाई प्रस्तुत गरेको छ।