बालेन-रवि मित्रता: हामी मिलेका छौँ भन्ने पटक पटकको स्पष्टीकरण किन ?

प्रधानमन्त्री बालेन्द्र शाह ‘बालेन’ र राष्ट्रिय स्वतन्त्र पार्टी (रास्वपा)का सभापति रवि लामिछानेबीच सम्बन्धमा चिसोपना आएको चर्चा चलिरहेका बेला लामिछानेले त्यसको सार्वजनिक रूपमै खण्डन गरेका छन्। बरु सञ्चारमाध्यममा आएका समाचारले आफूहरूलाई अझ नजिक बनाएको उनको दाबी छ।

रास्वपाको संसदीय दलको आन्तरिक छलफलपछि बुधबार सञ्चारकर्मीसँग कुरा गर्दै लामिछानेले बालेनसँग आफ्नो सम्बन्ध बिग्रिएको भन्ने चर्चालाई अस्वीकार गरे। प्रधानमन्त्री शाहले सामाजिक सञ्जालमा लेखेको ‘कहिलेकाहीँ एक्लै लड्नुपर्छ’ भन्ने अभिव्यक्तिलाई लिएर सत्ता समीकरणभित्र असन्तुष्टि र दूरी बढेको चर्चा भइरहेका बेला लामिछानेले त्यसको राजनीतिक अर्थ खोज्न आवश्यक नभएको बताए।