एआई अनि सत्य!

आज एउटा कल्पना गर्नुहोस् है त-

बिहान उठेर तपाईंले मोबाइल खोल्नुभयो। एउटा भिडियो तपाईंको अगाडि आयो। भिडियोमा कुनै चर्चित व्यक्तिले गम्भीर कुरा बोलिरहेको छ। अनुहार उसकै छ। आवाज उसकै छ। हाउभाउ पनि उसकै छ। तपाईंले भिडियो दुईपटक हेर्नुभयो। केही अस्वाभाविक पनि देख्नुभएन। तपाईंले साथीलाई पठाउनुभयो। साथीले अर्को समूहमा पठायो। केही घण्टामै हजारौँ मानिसले भिडियो हेरिसकेका हुनेछन्। कसैले समर्थन गरिसकेको छ, कसैले विरोध।