सूर्योदयको एक अर्ब १८ करोड बजेट सार्वजनिक

इलाम । सूर्योदय नगरपालिकाले आर्थिक वर्ष २०८३–८४ का लागि १ अर्ब १८ करोड ४३ लाख ४६ हजार ३ सय रुपैयाँको बजेट सार्वजनिक गरेको छ । नगरपालिकाले कुल बजेटको ४०.६७ प्रतिशत अर्थात् ४८ करोड १६ लाख २९ हजार रुपैयाँ पुँजीगत खर्चतर्फ विनियोजन गरेको छ ।

नगरपालिकाको बजेटमा चालुतर्फ ७० करोड २७ लाख १७ हजार ३ सय रुपैयाँ र पुँजीगततर्फ ४८ करोड १६ लाख २९ हजार रुपैयाँ छुट्टाइएको छ । नगरपालिकाका अनुसार पुँजीगत बजेट अघिल्लो आर्थिक वर्षको तुलनामा ३ प्रतिशतले वृद्धि गरिएको हो ।