कीर्तिपुरको पोखरीमा पहिलो पटक देखियो वायु फ्यालफ्याले (फोटो फिचर)

३ भदौ, काठमाडौं । कीर्तिपुरको खासीबजारस्थित मस् भिं पुखु (पोखरी) मा कमन टर्न (वायु फ्यालफ्याले) चरा देखिएको छ। कमन टर्न ५-६ दिनअघिदेखि देखिन थालेको स्थानियहरु बताउँछन्। कीर्तिपुरको व्यस्त बजारमा यसअघि यो चरा देखिएको कुनै अभिलेख नभएको प्रकृति तथा वन्यजन्तु (वाइल्डलाइफ) फोटोग्राफर सुप्रदीप्ता न्यौपानेले बताए।

कमन टर्नलाई हेर्न तथा फोटो खिच्नका लागि धेरै चराप्रेमी अवलोकनकर्ताहरू तथा सर्वसाधारणहरु त्यहाँ पुगेका छन्। कमन टर्न एउटा मात्रै छ। मानिसहरु नजिकै जाँदा पनि नभागेको देख्दा सबै अचम्म परेका छन्। यो युरोप, एसिया र उत्तर अमेरिकाका समुद्री तट तथा नदी-ताल आसपास पाइन्छ। नेपालमा भने यो बसाइँसराइ गरेर आउने गर्दछ।