गोल्डेन बुटको रोमाञ्चक दौडमा मेसी र एम्बाप्पे बराबरी, पछ्याउँदै हालान्ड

काठमाडौं। फिफा विश्वकप २०२६ नकआउट चरणमा प्रवेशसँगै गोल्डेन बुटको प्रतिस्पर्धा झन् रोमाञ्चक बनेको छ । अर्जेन्टिनाका कप्तान लियोनल मेसी र फ्रान्सका स्टार फरवार्ड किलियन एम्बाप्पे सर्वाधिक गोलकर्ताको सूचीमा संयुक्त रूपमा शीर्ष स्थानमा छन् ।

उनीहरूलाई नर्वेका एर्लिङ हालान्ड र ब्राजिलका भिनिसियस जुनियरले पछ्याइरहेका छन् । फिफा विश्वकपको अन्त्यमा सबैभन्दा धेरै गोल गर्ने खेलाडीलाई गोल्डेन बुट पुरस्कार प्रदान गरिन्छ । यदि दुई वा सोभन्दा बढी खेलाडीको गोल संख्या बराबर भएमा सबैभन्दा धेरै असिस्ट गर्ने खेलाडी विजेता बन्छ ।