मुख्यमन्त्री खगराज भट्टको एक साता : स्वास्थ्य सुधार, विपद् व्यवस्थापनदेखि पश्चिम सेती प्राथमिकतामा

धनगढी । सुदूरपश्चिम प्रदेशको मुख्यमन्त्रीको जिम्मेवारी सम्हालेको एक सातामा खगराज भट्टले स्वास्थ्य सेवा सुधारदेखि विपद् व्यवस्थापन, पश्चिम सेती जलविद्युत् आयोजना र ग्यास आपूर्तिसम्मका विषयमा चासो देखाएका छन्।

साउन २९ गते मुख्यमन्त्री नियुक्त भएका भट्टले सोही दिन पद तथा गोपनीयताको शपथ लिएर कार्यभार सम्हालेका थिए। त्यसयता उनले प्रदेश सरकारको कामकारबाही अघि बढाउन विभिन्न निकायसँग छलफल तथा स्थलगत निरीक्षण गरेका छन्।