काठमाडौँमा एनडीटीभी अन्भिक्षा : जेनजी आन्दोलनपछिको नेपाल-भारत ‘ट्र्याक टू’ संवाद

काठमाडौँ- छिमेकी भारतको चर्चितमध्येको एक सञ्चार संस्था एनडीटीभीले आफ्नो नयाँ विश्वव्यापी संवाद शृंखला ‘एनडीटीभी अन्भिक्षा : सीमापार अवधारणा’ एक वैचारीक बहस कार्यक्रम काठमाडौँमा आयोजना गर्दैछ। ‘नेपाल-भारत संवाद’ को रुपमा आगामी ११ गते काठमाडौँमा यो कार्यक्रम हुने निश्चित भएको हो।

नेपाल-भारत सम्बन्ध, क्षेत्रीय भूराजनीति र बदलिँदो दक्षिण एसियाली शक्ति समीकरणमाथि गम्भीर अनौपचारिक संवादको महत्त्वपूर्ण मञ्चका रूपमा यो संवाद कार्यक्रमलाई हेरिएको छ। भारतमा रहेर ‘ट्र्याक टू’ कूटनीतिमा संलग्न हुँदै आएकाहरुले काठमाडौँलाई यो क्षेत्रको राजधानीको रुपमा लिँदै यस्तो आयोजना गर्न लागेका हुन्।