नायिका रेखा थापाको उपस्थितिमा मेदान्त स्किन केयर एण्ड वेलनेस सेन्टर उद्घाटन

काठमाडौं । कलंकीमा मेदान्त स्किन केयर एण्ड वेलनेस सेन्टर औपचारिक रूपमा सञ्चालनमा आएको छ। सेन्टरको उद्घाटन नायिका रेखा थापाले गरेकी हुन्। उद्घाटन समारोहमा नायिका थापाको उपस्थितिसँगै विभिन्न क्षेत्रका अतिथि तथा शुभेच्छुकहरूको सहभागिता रहेको थियो। कार्यक्रममा सेन्टरको सेवा, उद्देश्य तथा सौन्दर्य र छालासम्बन्धी सेवाका विषयमा जानकारी दिइएको थियो।

सेन्टरले आधुनिक प्रविधि तथा विशेषज्ञ सेवामार्फत छाला र सौन्दर्यसँग सम्बन्धित समस्या समाधानमा सहयोग गर्ने उद्देश्य राखेको जनाएको छ। बदलिँदो जीवनशैलीसँगै मानिसमा आफ्नो स्वास्थ्य, छालाको हेरचाह तथा व्यक्तित्वप्रति चासो बढिरहेका बेला यस्ता सेवा आवश्यक बन्दै गएको कार्यक्रममा बताइएको थियो।