ट्रम्पले क्रिप्टो व्यवसायबाट कमाए १.२ अर्ब डलर

काठमाडौं । अमेरिकी राष्ट्रपति डोनाल्ड ट्रम्पले गत वर्ष आफ्नो क्रिप्टो (डिजिटल मुद्रा) व्यवसायबाट करिब एक अर्ब २० करोड अमेरिकी डलर आम्दानी गरेको एक संघीय वित्तीय प्रतिवेदनले देखाएको छ । सोमबार सार्वजनिक भएको उक्त प्रतिवेदनअनुसार ट्रम्पका क्रिप्टो व्यवसायको आम्दानी अहिले उनको दशकौँ पुरानो घरजग्गा व्यवसायभन्दा पनि बढी भएको छ ।

रिपोर्टका अनुसार, ट्रम्पले आफ्नो वर्ल्ड लिबर्टी फाइनान्सियल कम्पनीबाट मात्रै ५० करोड डलरभन्दा बढी आम्दानी गरेका छन् । कम्पनीले नयाँ क्रिप्टो उत्पादन र ‘गभर्नेन्स टोकन’ बिक्री गरेर उक्त रकम आर्जन गरेको जनाएको छ ।