श्रीमान्‌ले जङ्गली जनावरका लागि राखेको विद्युतीय पासोमा श्रीमती परेपछि ...

काठमाडौँ । गुल्मीको धुर्कोट गाउँपालिका–५ मन्टारीमा जङ्गली जनावर धपाउनका लागि थापिएको विद्युतीय पासोमा परेर एक महिलाको दुःखद मृत्यु भएको छ। मृत्यु हुनेमा धुर्कोट–५ निवासी ६० वर्षीया हुमकला भण्डारी रहेको जिल्ला प्रहरी कार्यालयका प्रहरी उपरीक्षक भीमकिरण बोगटीले बताए।

गएराति करिब १:३० बजेको समयमा पासोमा परेर गम्भीर घाइते भएकी भण्डारीलाई उपचारका लागि तत्काल गुल्मी अस्पताल तम्घास ल्याइएको थियो। तर, अस्पताल पुर्‍याएलगत्तै राति नै चिकित्सकले उनलाई मृत घोषणा गरेको प्रहरीले जनाएको छ।