सङ्घीयतामाथिको प्रहार र खर्च कटौतीको भ्रम: खेलको नियम नै बदलौँ

नेपालको समकालीन राजनीतिमा एउटा बडो रोचक, विरोधाभासपूर्ण र नियोजित राजनीतिक नाटक मञ्चन भइरहेको छ । हिजो जुन शक्ति, वर्ग र विचारले उत्पीडित समुदायको लामो आन्दोलन, रगत र बलिदानबाट स्थापित सङ्घीयतालाई ‘आधा मन’ ले मात्र स्वीकार गरेका थिए, आज तिनै तत्त्व देशको विद्यमान आर्थिक शिथिलतालाई ढाल बनाएर प्रादेशिक संरचनामाथि खनिइरहेका छन् ।