अध्ययन भन्छः व्यक्तिको स्वस्थतामा अनलाइन गेम खेल्न बिताउने समयको कुनै सम्बन्ध छैन

३९ हजार भिडिओ गेमरहरूमाथि गरिएको एक अध्ययनमा खेलमा व्यतीत गर्ने समयले उनीहरूको स्वस्थतामा पार्ने असर ‘थोरैदेखि प्रमाण विहीन’ देखिएको छ । जसअनुसार उनीहरूमा कुनै किसिमको भिन्नता देखा पर्नका लागि सामान्यतः प्रति दिन १० घण्टा भन्दा बढी समय अनलाइन गेम खेल्नुपर्ने हुन्छ ।

जीवनप्रतिको सन्तुष्टि र खुशी, दुःख, रिस र निराशाको विषयमा सोधेर स्वस्थताको मापन गरिएको थियो । पछिल्लो परिणाम सन् २०२० को अध्ययनसँग बाझिने किसिमको छ । जब कि दुवै अध्ययन अक्सफोर्ड इन्टरनेट इन्स्टिच्युटको उही विभागले गरेको हो ।