राष्ट्रपतिमा फर्किएपछि ट्रम्पको क्रिप्टो कारोबारबाट एक अर्ब डलर आम्दानी

बीबीसी । अमेरिकी राष्ट्रपति डोनाल्ड ट्रम्पले ह्वाइट हाउसमा पुनरागमन गरेको पहिलो वर्षमै क्रिप्टोकरेन्सीसम्बन्धी व्यवसायबाट १ अर्ब अमेरिकी डलरभन्दा बढी आम्दानी गरेका छन् । सन् २०२५ को अनिवार्य वित्तीय विवरणअनुसार ट्रम्पले आफूले राष्ट्रपति पद सम्हाल्नुअघि सार्वजनिक गरेको ‘ट्रम्प मेम क्वाइन’बाट ६३ करोड ५० लाख डलर रोयल्टी प्राप्त गरेका छन् । उक्त मेम क्वाइनको मूल्य भने सार्वजनिक भएपछि उल्लेखनीय रूपमा घटेको छ।

त्यस्तै, उनका छोरा तथा विशेष दूत स्टिभ विटकोफका सन्तानहरूले स्थापना गरेको क्रिप्टोकरेन्सी कम्पनी वल्र्ड लिबर्टी फाइनान्सियलबाट ट्रम्पले ५० करोड डलरभन्दा बढी आम्दानी गरेको खुलासा भएको छ ।