‘आशिकाको अब झट्ट नरिसाउने !

सांसद आशिका तामाङले अब आफूलाई अलि ‘अपडेट’ गर्ने घोषणा गरेकी छन् । सामाजिक सञ्जाल फेसबुकमार्फत उनले अबदेखि भद्र हुने, झट्ट नरिसाउने, मर्यादामा बस्ने र अनुशासन पालना गर्ने आशिका बन्ने प्रयास गर्ने बताएकी हुन् ।

पछिल्लो समय संसद्मा उनका केही प्रस्तुति र व्यवहारलाई लिएर प्रश्न तथा आलोचना भइरहेका बेला उनको यस्तो प्रतिज्ञा आएको हो । ‘अबदेखि भद्र, झट्ट नरिसाउने, मर्यादामा बस्ने र अनुशासन पालना गर्ने आशिका बन्ने कोसिस गर्नेछु,’ उनले लेखेकी छन्।