अझै पनि अन्योलमै छ स्वास्थ्य बीमा

काठमाडौं।

स्वास्थ्य बीमा बोर्डले स्वास्थ्य बीमा कार्यक्रमअन्तर्गत देशभरका ३६४ वटा अस्पताल तथा स्वास्थ्य संस्थालाई करिब दुई अर्ब रुपैयाँ भुक्तानी गरेको छ । अर्थ मन्त्रालयले असार ४ गते बोर्डको खातामा रकम पठाएपछि उक्त रकम सम्बन्धित स्वास्थ्य संस्थाहरूलाई वितरण गरिएको बोर्डले जनाएको छ । लामो समयदेखि भुक्तानी अभाव, सेवा अवरोध र नागरिकको बढ्दो असन्तुष्टिका कारण स्वास्थ्य बीमा कार्यक्रमको प्रभावकारितामाथि गम्भीर प्रश्न उठ्न थालेपछि भुक्तानी गरेको हो ।