प्रमका प्रमुख सल्लाहकार कुमार बेन नै छड्के अनुगमनमा

प्रधानमन्त्री बालेन्द्र शाहका प्रमुख सल्लाहकार कुमार बेन नै एक सरकारी कार्यालयमा छड्के गर्न गएको पाइएको छ। त्यस कार्यालयमा बेन पुग्दा ५५ कर्मचारीमध्ये १४ जना अनुपस्थित थिए। अनुपस्थितमध्ये एक जना कार्यालय प्रमुख नै थिए। गत साउन १९ गते बिहान ९ बजेपछि सेवाग्राहीका रूपमा बेन ललितपुरको लगनखेलस्थित मालपोत कार्यालयमा छड्के/अनुगमन गर्न पुगेका थिए। बेनको निवास त्यहाँबाट नजिकै छ।

बेन त्यस कार्यालयमा केहीबेर बसे। उनी त्यहाँ बस्दासम्म कार्यालय प्रमुख छवि नेपालीसहित १४ कर्मचारी कोही आएनन्। अनुगमनका क्रममा उनी कार्यालय प्रमुखको कार्यकक्षसहित विभिन्न कोठामा पुगेका थिए तर धेरैजसो कोठा खाली थिए। उनले कोठा खाली भएको भिडियोसमेत बनाए। १२ सेकेन्डको भिडियो उनले तत्काल भूमि व्यवस्था सहकारी संघीय मामिला तथा सामान्य प्रशासनमन्त्री प्रतिभा रावललाई पठाए। त्यो भिडियोमा सेवाग्राही कार्यालय पुगेको तर कर्मचारी कम भेटिएको प्रस्ट देखिन्छ।