बेलायतका राजा चार्ल्स बकिंघम प्यालेसमा नबस्ने, १८८ वर्ष पुरानो परम्परा तोडिने

काठमाडौं । बेलायतका राजा चार्ल्स तृतीय र रानी क्यामिला देशको राजदरबार बकिंघम प्यालेसको मर्मतसम्भार सम्पन्न भएपछि पनि त्यहाँ बस्न नजाने भएका छन् । राजपरिवारको नयाँ ‘फाइनान्सियल रिपोर्ट’मा यो जानकारी दिइएको बीबीसी ले जनाएको छ ।

करिब ३६९ मिलियन पाउन्डको लागतमा विगत १० वर्षदेखि जारी बकिंघम प्यालेसको मर्मत कार्य आउँदो वर्षको मार्चमा पूरा हुँदै छ । सन् १८३७ देखि बकिंघम प्यालेस बेलायतका राजा वा रानीको आधिकारिक लन्डन निवास रहँदै आएको छ ।