१२ किलो तौल घटेपछि चिन्नै गाह्रो, सोहेल खानलाई आखिर के भयो ?

बलिउडमा खान परिवारको नाम आउँदा सलमान खान र अरबाज खानको चर्चा हुनु सामान्य हो। तर पछिल्लो समय यही परिवारका कान्छा भाइ सोहेल खान भने आफ्नो अभिनय वा फिल्मका कारण होइन, अचानक बदलिएको शारीरिक बनावटका कारण चर्चामा छन्। रियालिटी शो ‘द अलायन्स’को र्याप-अप पार्टीमा सार्वजनिक हुँदा सोहेललाई देखेर धेरैले उनलाई पहिलो नजरमै चिन्न सकेनन्।

पहिलेको तुलनामा निकै दुब्लो देखिएका सोहेलको अनुहारमा समेत ठूलो परिवर्तन देखिन्थ्यो। सामाजिक सञ्जालमा उनको तस्बिर सार्वजनिक भएपछि कतिपयले उनी कुनै गम्भीर स्वास्थ्य समस्यासँग जुधिरहेको अनुमान गरे भने कतिपयले तौल घटाउने औषधि प्रयोग गरेको हुन सक्ने अड्कल लगाए। तर सोहेल आफैँले एक अन्तर्वार्ताबाट आफ्नो बदलिएको रूपको वास्तविक कारणबारे खुलासा गरेका छन्।