नेपाली कांग्रेसमा समन्वयको खाँचो

नेपाली कांग्रेस, देशको सबैभन्दा पुरानो लोकतन्त्रवादी पार्टी हो । झन्डै आठ दशक लामो राजनीतिक इतिहास बोकेको यस पार्टीले नेपालमा प्रजातन्त्रको स्थापना, प्रजातन्त्र एवं बहुदलीय संसदीय व्यवस्थाको पुनः स्थापना तथा देशमा संघीय लोकतान्त्रिक गणतन्त्रको स्थापनामा खेलेको नेतृत्वदायी एवं अग्रणी भूमिका महत्वपूर्ण छ ।

नेपाली कांग्रेसका नेताहरुको त्याग, समर्पण र इतिहास सर्वोपरि रहिरहनेछ । बीपी कोइराला, गणेशमान सिंह, सुवर्ण शमशेर, महेन्द्र नारायण निधि, कृष्णप्रसाद भट्टराईजस्ता नेताहरुको त्याग र समर्पणको इतिहास बोकेको यस पार्टीको पहिचान देशभित्र मात्रै होइन कि देशबाहिर पनि छ ।