किन सधैं असार पर्खिन्छ बजेट?

देशमा विभिन्न कालखण्डमा अकल्पनीय परिवर्तनहरू भए। सत्ता मात्र होइन, समयसमयमा व्यवस्थासमेत फेरिए। तर काम गर्ने शैली भने फेरिएको छैन। वर्षौंदेखि सुनिँदै आएको ‘असारे विकास’ बाट रोल्पा पनि अछुतो छैन। जिल्लाका एउटा नगरपालिकासहित १० स्थानीय तह छन्। यी स्थानीय तहले वार्षिक पुँजीगत बजेटको ठुलो हिस्सा अर्थात् करिब ५३ प्रतिशत आर्थिक वर्षको अन्तिम महिना असारमा मात्र खर्च गरेको पाइएको छ।

यो रोग रोल्पाको मात्र नभएर देशैभरिको समस्या हो। कार्यान्वयनको समयमा लापरबाही र जिम्मेवारीबोध नहुँदा यस्तो अवस्था आउने गर्छ।