तीन वर्षीया बालिका हत्याको विरोधमा वीरगञ्ज-पथलैया सडक अवरुद्ध

सिमराकी तीन वर्षीया बालिका गरिमा चौधरीको हत्यमा संलग्न रहेकालाई फाँसीको सजाय माग गर्दै स्थानीयहरूले दुई दिनदेखि वीरगञ्ज-पथलैया सडक अवरुद्ध गरी प्रदर्शन गरिरहेका छन्।

घटनामा संलग्न दोषीलाई फाँसी र इलाका प्रहरी कार्यालय सिमराका डीएसपी दिलिप क्षेत्रीलाई निलम्बन गर्नुपर्ने लगायतका माग राखेर स्थानीयले वीरगञ्ज-पथलैया सडक खण्डको सिमरामा अवरुद्ध गरेर बुधाबर दिउँसोदेखि प्रदर्शन गरिरहेका हुन्। सिमराका स्थानीय रामचन्द्र लामाले बालिका हराएकै समयमा इलाका प्रहरी कार्यालयलाई जानकारी गराउँदा समेत खोज्ने कार्यमा प्रहरीले लापरबाही गरेको आरोप लगाएका छन्।