चालु आर्थिक वर्षको पहिलो महिनामा ७० हजार नेपाली वैदेशिक रोजगारीमा

काठमाडौँ । चालु आर्थिक वर्षको पहिलो महिना (साउन) मा वैदेशिक रोजगारीका लागि ७० हजारभन्दा बढी नेपालीले श्रम स्वीकृति लिएका छन् । वैदेशिक रोजगार विभागले सार्वजनिक गरेको साउन महिनाको तथ्याङ्क अनुसार कुल ७० हजार ४४१ जनाले वैदेशिक रोजगारीका लागि अन्तिम श्रम स्वीकृति लिएका हुन् ।

जसमा श्रम स्वीकृति लिनेहरूमा पुरुषको सङ्ख्या धेरै देखिएको छ । कुल सङ्ख्यामध्ये ६० हजार ४७२ जना ८५.८ प्रतिशत पुरुष रहेका छन् भने ९ हजार ९६९ जना १४.२ प्रतिशत महिला रहेका छन्।