सुनचाँदीको मूल्यमा निरन्तर गिरावट, तोलामा छ सयले घट्यो सुन

काठमाडौँ । नेपाली बजारमा सुनचाँदीको मूल्य लगातार ओरालो लागिरहेको छ। मंगलबारको तुलनामा बुधबार सुनको भाउ प्रतितोला छ सय रुपैयाँ र चाँदीको मूल्य १५ रुपैयाँले घटेको हो।

नेपाल सुनचाँदी रत्न तथा आभूषण महासंघका अनुसार बुधबार छापावाला सुनको मूल्य प्रतितोला दुई लाख ७७ हजार तीन सय रुपैयाँ कायम भएको छ। मंगलबार यही सुन प्रतितोला दुई लाख ७७ हजार नौ सय रुपैयाँमा कारोबार भएको थियो।